(৭) জীৱন যাত্ৰা

উভতি যাওঁ সদায়ে ঘৰলৈ বুলি 
ভাগৰি জাগৰি 
আজিলৈকে বুজি নাপালো ?
কাম কৰিবলৈ জী আছো নে 
জীয়াই থাকিবলৈ কাম কৰিছো ।

ল'ৰালিত একাধিকবাৰ সোধা হৈছিল 
এটি প্ৰশ্ন—" ডাঙৰ হৈ কি হ'বা? "
উত্তৰ আজি পালো— 
আকৌ সৰু হ'ব খোজো ।

বন্ধুৰ পৰা বিচ্ছেদৰ পিচত 
বাস্তৱত দেখিলো সঁচাই সেয়া উৎপতীয়া আছিল,
কিন্তু তাৰ পৰা যে আনন্দৰ লহৰ উঠিছিল ।

ভৰ্তি পকেটেৰে পৃথিৱী দেখিলো ,
শূন্য পকেটেৰে আপোনজনক ।

যেতিয়া উৰ্পাজন কৰাৰ দিন আহিল 
তেতিয়া বুজি পালো 
চখবোৰ মা-দেউতাৰ পইচাৰে হৈছিল ,
নিজৰ পইচাৰে কেৱল 
নিজৰ প্ৰয়োজনবোৰহে পূৰণ হয় ।

হাঁহিবলৈ মন নগ'লেও হাঁহিব লগা হয় ,
কোনোবাই যেতিয়া সোধে 'কেনে আছা' 
তেতিয়া 'ভালে আছো' বুলি ক'ব লগা হয় ।

এয়া জীৱনৰে ৰঙ্গমঞ্চ বন্ধু, 
ইয়াত সকলোৱে নাটক কৰিব লাগে ,
জুইশলাৰ প্ৰয়োজন নাই
ইয়াত মানুহে মানুহৰ বাবে জ্বলে ।

পৃথিৱীৰ ডাঙৰ বিজ্ঞানীয়ে 
মঙ্গল গ্ৰহত অনুসন্ধান কৰিব খোজে ,
মঙ্গল গ্ৰহত জীৱন আছে নে নাই ?
পিচে মানুহে এইটো অনুসন্ধান নকৰে 
জীৱনত মঙ্গল আছেনে নাই ? 

মন্দিৰলৈ ফুল দিবলৈ আহি 
এই অনুভৱ হ'ল—
পাথৰক জিনিবলৈ আহি 
ফুলক হত্যা কৰি আহিলো ,
গৈছিলো পাপৰ প্ৰায়চিত্ত কৰিবলৈ 
পিচে তাতে আকৌ পাপেই কৰি আহিলো ।

টোপনি আৰু মৃত্যুৰ মাজত পাৰ্থক্য কি ? 
কোনোবাই কি যে সুন্দৰকৈ উত্তৰ দিছে— 
টোপনি আধা মৃত্যু ,
আৰু মৃত্যু চিৰ শান্তিৰ টোপনি ।

জীৱনটোৱে নিজৰ শৈলীতে গতি কৰে ,
আনৰ সহায়তো মৃতদেহহে উঠে ।

পুৱা হয়, সন্ধ্যা হয় 
বয়স এনেকৈয়ে বাঢ়ি গৈ থাকে ,
কোনোবাই কান্দি হৃদয় জুৰাই 
কোনোবাই হাঁহিয়ে দুখ লুকুৱায় ।

কি আশ্বৰ্য সৃষ্টিকৰ্তাৰ ! 
জীৱিত মানুহে পানীত ডুবে ,
আৰু মৃতই পানীত উপঙি থাকে ।

বচ, এনৈকেয়ে কণ্ডাক্তৰ হৈ গৈ আছো 
জীৱনৰ ...
যাত্ৰা প্ৰতিদিনৰ...
পিচে যাব লগা ক'তোৱেই নাই ।

সফলতাৰ সৈতে মুখামুখি হওঁতে 
নিজৰ কোঠাতেই উত্তৰ পালো :

মুধচে ক'লে-"নিজৰ উদ্দেশ্যে আগত ৰাখা "
পাংখাই ক'লে- "শীতল হৈ থাকা "
ঘড়ীয়ে ক'লে—"প্ৰতিটো সময়েই মূল্যবান "
আইনাই ক'লে- "কিবা কৰাৰ আগতে নিজৰ 
মাজত নিজক বিচাৰি চোৱা "
খিৰিকীয়ে ক'লে— "পৃথিৱী চাই লোৱা "
কেলেণ্ডাৰে ক'লে—"গতিশীল হোৱা "
আৰু দুৱাৰে ক'লে— "নিজৰ লক্ষ্য পাবলৈ 
পূৰ্ণ্যোদ্যমে জোৰ লগোৱা"

ৰেখাও বৰ আজৱ হৈ পৰে ,
কপালত সোমালে ভাগ্যৰ ৰূপ পায় ,
মাটিত সোমালে সীমান্তৰ ৰূপ পায় ,
চালৰ ভিতৰত সোমালে তেজ ওলায় ,
আৰু সম্বন্ধত সোমালে প্ৰাচীৰৰ ৰূপ পায় ।

এক টকা এক লাখ নহয় ,
পিচে এক লাখৰ পৰা 
এক টকা ওলাই গ'লেও এক লাখো হৈ নাথাকে ।

মই আপোনালোকৰ 
লাখৰ ভিতৰত সেই এক টকাৰ দৰেই এজন বন্ধু ৷ সযতনে ৰাখিব ৷ 

বাকী সকলো মায়া মোহ ...